Maturity o Insensitivity

Paano mo masasabi na mature mag isip ang partner mo?

Kapag magpaalam ka ba na magkikita kayo ng ex mo para sa isang travel tour at di sya pumayag e immature na sya?

Insensitive ka ba kung wala naman malisya yung lakad nyo at nagkataon lang naman na nagkayayaan?

Sa relasyon milya milya ang layo sa isa’t isa, kailan kailangan ang malawak na pang unawa?

Di ba pwedeng magtiwala?

D naba pwedeng maging kaibigan ang isang ex?

Immature ba kung di maalis ang insecurities ng partner mo sa ex mo?

O dapat bang maglihim na lang para wag masabing insensitive ka?

mahirap magpaliwanag sa di bukas na pag iisip...

Nagiging insesitive na ba ang isang tao kapag nag mature?

O sadyang sensitive lang ang immature?

Ikaw nanaman...

Nanaginip ako.

Namatay daw ako. Yung kaluluwa ko andito pa sa lupa. Meron pa daw akong ibang kaluluwa na kasama ko. Tinanong ko sila kung pwede kong bisitahin mga mahal ko sa buhay. Pwede naman daw. Eto yung pagkakataon na pwede mong makita kung ano pinagkakaabalahan nila ng di ka nila napapansin.

Ewan ko kung bakit ikaw yung pumasok sa isip ko na bisitahin.

Pinuntahan kita sa opisina mo pero wala ka na duon. Bumalik ako sa sumunod na araw, naabutan kita na busy sa iyong normal na working routine. Binulong ko ang pangalan ko sayo. Hinintay ang reaksyon mo, baka sakaling buksan mo ang facebook at mabasang ako’y naglaho na sa mundo.

Pero sadyang di ko ata mababasa takbo ng isip mo. Bigla na lang akong nagising!

***

Medyo naguluhan ata ako sa panaginip ko.  Bakit kaya sya ang pumasok sa isip ko na bisitahin? Ibig ba sabihin nun na di pa rin ako nakamove-on sa kanya, kung tutuusin e sandali lang na naging kami. O baka naman gusto ko pa rin sya? 

Hmmm... siguro nga nami-miss ko lang sya. Pero not to the point na gusto kong magkabalikan kami, kumbaga for good old time sake lang.

Ang gulo ko nga!...

Seven

Bakit may ugali tayo na patuloy pa din magbilang ng taon kahit tinuldukan na to? Isang magandang halimbawa e matapos makipagbreak sa partner mo e patuloy pa din ang pag alala sa araw ng anniversary nyo halos taon taon.

Nagising ako kanina na parang may something about the date today. Ayun, ngayon sana ang 7th year anniversary namin pero mahigit sa apat na taon na rin kaming hiwalay. Minsan sinubukan ko syang batiin para malaman ko lang reaksyon nya, pero ako lang nasaktan dahil dedma lang sya.

Ano kaya sakaling kami pa rin hanggang ngayon?

Nagplano kami na mangingibang bansa at dun magsasama. Ngayon, parehas na kaming wala sa pinas, kahit magkaiba ka ng bansa di naman ganun kalayo. Ano ba naman ang 2 hours flight kung makakapiling mo ang mahal mo. Siguro tuwing may pagkakataon gaya ng long weekends e magkasama kami mag road trip at iexplore ang ibat ibang sulok ng amerika.

Oo, nagagawa namin yun...in our own separate ways!

Mamang Misteryoso

Pumasok ako sa coffeebeans para magpalipas ng oras.

Habang naghihintay ako ng order kong kape napansin kita sa gilid. Nakapang-opisina kang suot, may kasamang maaring iyong kaopisina. Busy ka sa pagtype mo sa iyong laptop habang kadiskusyon ang iyong kasama.

Pasimpleng sumilip ako kung ano pinagkakaabalahan nyo. Nakabukas ang excel habang patuloy ka pa din sa pag type. Napansin ko meron ka ng singsing. Sayang kasal ka na.

Nakuha ko na ang kape ko, sa labas ako pumuwesto para makapagyosi. Sa pagkaupo ko nagkataon na nasusulyapan kita. Hawig mo yung dati kong kaopisina, malakas ang dating mo para sa akin.

Lumipas ang ilang minuto, napansin ko umalis na ang iyong kasama. Pinagmasdan kita at inobserbahan ang iyong kilos. Mukhang normal ka naman, bukod sa madalas mong pag tawag at text sa telepono.

Alam kong ilang minuto na lang at aalis ka na rin.

Sa muli kong pagsulyap nag aayos ka na ng yong gamit. Sinabayan ko rin ng tayo ang pag alis mo baka sakaling mag cr ka at dun tayo magkaalamanan.

Sa likod na pintuan papasok sa mall balak ko dumaan papunta sa CR sa pag aakalang sa harap ka naman dadaan dahil mas malapit ito sa kinauupuan mo pero sa likod ka din dumaan. Nawalan nako ng pag asa na baka di ka na mag CR. Dumiretso nako at umihi sa dulong urinal. May dalawang taong nauna sa akin na sa pakiwari ko ay nag hihintayan at nagpapakiramdaman hanggang yung isa ay pumasok sa cubicle.

Napatingin ako sa reflection ng tiles sa aking harapan dahil sa ingay na dinulot ng pagsara ng cubicle. Saktong pumasok naman ang misteryosong mama. Ngunit di mo tinuloy ang pag ihi, malamang naintimidate ka sa taong nakaabang lamang sa CR o dahil nakita ako...

Nanalamin ka lamang at umalis na rin agad.

Bakit sya pumasok ng CR kung di naman sya iihi?

Nahiwagaan ako sa ikinilos nya kaya sinubukan ko syang sundan pero magkaiba kami ng parking floor.

Nagmadali kong inilabas ang aking sasakyan upang abutan ka sa first floor parking, nakita kita nag aayos pa lang ng kotse. Sadyang mabilis ang pangyayari, hintayin sana kitang magpaandar ng sasakyan pero meron ng nakasunod sa akin likuran. Tuluyan nakong lumabas ng parking na umaasa na masagot ang misteryo.... sayang!